Rikardo Rodriges “Betis” futbolchisiga aylandi.
31 yoshli himoyachi tibbiy ko‘rikdan o‘tdi va allaqachon jamoadoshlari safiga qo‘shildi. Futbolchining ispanlar bilan shartnomasi 2026 yilgacha mo‘ljallangan.
Rodriges “Torino”da to‘rt mavsum o‘tkazdi va shu yozda klubni erkin agent sifatida tark etdi. Avvalroq futbolchi “Syurix”, “Volfsburg”, “Milan”, PSV kabi klublarda to‘p surgan.
Shveysariya terma jamoasi tarkibida uchta jahon chempionati, uchta Yevropa chempionati va Olimpiya o‘yinlarida ishtirok etgan.
