"Al-Ahli" Vinisius Juniorni sotib olishga urinishda davom etmoqda.

Avvalroq, Vinisius Saudiya klubining shartnoma bo‘yicha 5 yilga 1 milliard yevrolik taklifini rad etgani, ammo "Al-Ahli" braziliyalikni qo‘lga kiritish uchun "hamma narsaga tayyor"ligi ma’lum bo‘lgandi. Bundan tashqari, Saudiya Arabistoni rasmiylari 2034 yilgi jahon chempionati oldidan Vinisiusni chempionat yuziga aylantirmoqchi.

Boshqa ma’lumotlarga ko‘ra, Vinisius Saudiya Arabistoni taklifini rad etmagan.

Marca xabariga ko‘ra, "Al-Ahli" Vinisius bo‘yicha taklifni yaxshilashga va yaqin vaqt ichida "Real" bilan muzokaralarning yangi bosqichini o‘tkazishga tayyor. Qayd etilishicha, braziliyalikning tovon puli 1 milliard yevroni tashkil etadi va “Real” futbolchini faqat faollashtirilgan taqdirdagina qo‘yib yuborishga tayyorligini ochiqchasiga bildirgan.

Klub, shuningdek, Vinisiusning jamoani tark etish istagi paydo bo‘lmasligi uchun uning maoshini oshirish masalasini ham ko‘rib chiqmoqda.