“Tottenxem” vinger Pedro Netu uchun kechgan bahsda “Chelsi”ga yutqazdi.

Portugaliyalik futbolchi o‘tgan hafta oxirida "Vulverxempton"ni tark etib, "ko‘klar" safiga qo‘shildi.

Bitim qiymati bonuslarni hisobga olmaganda 60 million yevroga baholanmoqda.

"Tottenxem" ham 24 yoshli futbolchini o‘z safiga qo‘shib olishga urinib ko‘rdi va uning "Chelsi"ga o‘tishi "shporlar" uchun "katta zarba" bo‘ldi, deya xabar beradi jurnalist Pol O'Kif.

"Tottenxem" Pedro Netu uchun 40 million funt sterling (deyarli 48 million yevro) va Oliver Skippni taklif qildi.

Klub bu transfer amalga oshishiga ishongan edi, ammo «Chelsi»ning taklifi «bo‘rilar» uchun jozibadorroq bo‘lib chiqdi.