“Тоттенхэм” вингер Педро Нету учун кечган баҳсда “Челси”га ютқазди.
Португалиялик футболчи ўтган ҳафта охирида "Вулверхэмптон"ни тарк этиб, "кўклар" сафига қўшилди.
Битим қиймати бонусларни ҳисобга олмаганда 60 миллион еврога баҳоланмоқда.
"Тоттенхэм" ҳам 24 ёшли футболчини ўз сафига қўшиб олишга уриниб кўрди ва унинг "Челси"га ўтиши "шпорлар" учун "катта зарба" бўлди, дея хабар беради журналист Пол O'Киф.
"Тоттенхэм" Педро Нету учун 40 миллион фунт стерлинг (деярли 48 миллион евро) ва Оливер Скиппни таклиф қилди.
Клуб бу трансфер амалга ошишига ишонган эди, аммо «Челси»нинг таклифи «бўрилар» учун жозибадорроқ бўлиб чиқди.
