Fransiya yo‘llari bo‘ylab velosport bo‘yicha ayollar o‘rtasidagi “Tur de Frans” ko‘pkunlik poygasi davom etmoqda. Ayni paytga kelib, 5 ta bosqich bahslari ortda qoldi.
Mazkur musobaqada ilk bor ishtirok etayotgan “Tashkent City Women Professional Cycling Team” jamoasi o‘zi uchun katta tajriba to‘plamoqda. Hozirda hamyurtlarimiz orasida Yanina Kuskova ishtirokni davom ettiryapti. 5 bosqichdan keyin Kuskova umumiy klassifikasiyada 76-bo‘lib turibdi. Bugun poygachilar Remirmon va Morto shaharlari orasidagi 159.2 km masofani bosib o‘tishadi.
