"Barselona" bosh murabbiyi Xans-Diter Flik "Valensiya"ga qarshi o‘yindan so‘ng (2:1) jurnalistlar savollariga javob berdi.
Kataloniyaliklar La Liganing 1-tur uchrashuvida irodali g‘alabaga erishdi.
"Mavsum boshida uch ochko har doim yaxshi, ammo bugun hammasi zo‘r bo‘lmadi. Ikkinchi bo‘limni birinchisiga qaraganda yaxshiroq o‘tkazdik.
“Valensiya”ga qarshi o‘ynash qiyin bo‘lishini bilardik. Bu oson bo‘lmadi, lekin biz kurashdik va g‘alabaga haqli edik.
“La Masiya” futbolchilari AQSHdagi mavsumoldi yig‘inida o‘z imkoniyatlarini ko‘rsatishdi – ular o‘ynashga tayyor ekanliklarini ko‘rsatishdi.
Men jamoadan juda mamnunman", - deya Flikning so‘zlarini keltiradi Barca Universal.
