Matbuotda "Sevilya" himoyachi Nair Tiknizyanga qiziqayotgani haqida ma’lumot paydo bo‘ldi. Bu haqda Andalusiya klubi matbuot xizmati izoh berdi.

"Sevilya" [Tiknizyan bo‘yicha] hali biror qarorga kelgani yo‘q. Klub bir qancha mumkin bo‘lgan variantlarni ko‘rib chiqmoqda", - deya ispan klubining javobidan iqtibos keltiradi Metaratings.

Nair Tiknizyan 2021 yilning avgustidan buyon “Lokomotiv” sharafini himoya qilib kelmoqda. Uch mavsumdan ko‘proq vaqt davomida himoyachi 95 ta rasmiy o‘yinda maydonga tushib, 15 ta gol urgan va sheriklariga 14 ta golli uzatma bergan.