"Roma" hujumchisi Paulo Dibala Saudiya Arabistonining "Al-Qodisiya" klubiga o‘tishga yaqin turibdi.

Corriere dello Sport nashri xabariga ko‘ra, argentinalik futbolchining transferi rasman amalga oshirilgach, rimliklar bosh murabbiyi Daniele De Rossi jamoasining beshta pozisiyasini mustahkamlamoqchi.

Rim klubining qisqa ro‘yxatiga "Lans" va Avstriya terma jamoasining markaziy himoyachisi Kevin Danso, "Renn"ning o‘ng qanot himoyachisi Lorens Assinyon, chap qanot himoyachisi Rodrigo Rikelme ("Atletiko Madrid") va Jeremi Boga ("Nissa"), o‘ng qanot vingeri Edon Jegrova ("Lill") kiritilgan va Siril Ngonge (Napoli), shuningdek, "Lester" markaziy yarim himoyachisi Bubakari Sumare joy olgan.