Tarmoqda "Plimut Argayl" jamoa mashg‘ulotlaridan videolavhalar paydo bo‘ldi.
Videoda mashg‘ulotning bir qismi aks etgan bo‘lib, unda jamoa bosh murabbiyi Ueyn Runi o‘z mahoratini ko‘rsatgan soniyalar to‘g‘ri kelgan.
Mashg‘ulot vaqtidagi o‘yin davomida Runi bir nechta ajoyib uzatmalarni amalga oshirgani muxlislar e’tiboridan chetda qolmadi. Natijada, muxlislar yarim hazil, yarim chin qilib, Chempionshipning navbatdagi turida KPRga qarshi Runi jamoaga maydonga tushib yordam berishini so‘rashmoqda.
