«Barselona»da moliyaviy tomondan ishlar hali ham yaxshilanmagan. Klub prezidentligiga kelganiga 4 yil bo‘lishga yaqinlashgan Joan Laporta hamon bu borada sezilarli o‘zgarish qilolmadi.
Ertaga «ko‘k-anorranglilar» Ispaniya chempionati doirasida navbatdagi o‘yinini «Atletik Bilbao»ga qarshi o‘tkazadi. Ispan nashrlari xabariga ko‘ra, ushbu bahs davomida stadionga tashrif buyurgan muxlislar Joan Laporta va uning qo‘l ostidagi rahbariyatga o‘z noroziligini bildirishadi.
Klub bu yozda Niko Uilyamsni sotib ololmadi, yuqori maosh oladigan bir qancha futbolchilar (Kleman Langle, Frenki de Yong) o‘rniga jamoadagi eng barqaror o‘yinchi Ilkay Gyundogan bilan xayrlashishga to‘g‘ri keldi. Bu ham yetmaganidek sotib olinganiga 2 haftadan ortiq vaqt bo‘lgan Dani Olmo hamon ro‘yxatdan o‘tmaganligi sababli jamoaga yordam berolmayapti. Bularning barchasi tobora «blaugrana» muxlislarida norozilikni kuchaytirmoqda
