«Барселона»да молиявий томондан ишлар ҳали ҳам яхшиланмаган. Клуб президентлигига келганига 4 йил бўлишга яқинлашган Жоан Лапорта ҳамон бу борада сезиларли ўзгариш қилолмади.

Эртага «кўк-анорранглилар» Испания чемпионати доирасида навбатдаги ўйинини «Атлетик Бильбао»га қарши ўтказади. Испан нашрлари хабарига кўра, ушбу баҳс давомида стадионга ташриф буюрган мухлислар Жоан Лапорта ва унинг қўл остидаги раҳбариятга ўз норозилигини билдиришади.

Клуб бу ёзда Нико Уилямсни сотиб ололмади, юқори маош оладиган бир қанча футболчилар (Клеман Лангле, Френки де Йонг) ўрнига жамоадаги энг барқарор ўйинчи Илкай Гюндоган билан хайрлашишга тўғри келди. Бу ҳам етмаганидек сотиб олинганига 2 ҳафтадан ортиқ вақт бўлган Дани Ольмо ҳамон рўйхатдан ўтмаганлиги сабабли жамоага ёрдам беролмаяпти. Буларнинг барчаси тобора «блауграна» мухлисларида норозиликни кучайтирмоқда