"Atalanta" "Torino"ga 1:2 hisobida mag‘lub bo‘ldi. O‘yindan so‘ng "Atalanta" bosh murabbiyi Jan Pyero Gasperini matbuot anjumanida o‘z fikrlari bilan o‘rtoqlashdi.
"Karnesekki yaxshi seyvlar qildi. Biz bir nechta xatolarga yo‘l qo‘ydik, lekin umuman olganda, zarbalar soni va imkoniyatlar juda ko‘p edi. Jamoa maydonda yaxshi o‘yin ko‘rsatdi va natijani ma’lum voqealar belgilab berdi.
Shunday bo‘lsada, biz ligada ikkita yaxshi o‘yin o‘tkazdik («Lechche» va «Torino»ga qarshi). Pashalichning penaltidagi ijrosi achinarli. Lekin men o‘yindan qoniqdim", – dedi Gasperini.
