"Аталанта" "Торино"га 1:2 ҳисобида мағлуб бўлди. Ўйиндан сўнг "Аталанта" бош мураббийи Жан Пьеро Гасперини матбуот анжуманида ўз фикрлари билан ўртоқлашди.

"Карнесекки яхши сейвлар қилди. Биз бир нечта хатоларга йўл қўйдик, лекин умуман олганда, зарбалар сони ва имкониятлар жуда кўп эди. Жамоа майдонда яхши ўйин кўрсатди ва натижани маълум воқеалар белгилаб берди.

Шундай бўлсада, биз лигада иккита яхши ўйин ўтказдик («Лечче» ва «Торино»га қарши). Пашаличнинг пенальтидаги ижроси ачинарли. Лекин мен ўйиндан қониқдим", – деди Гасперини.