Madridning “Atletiko” klubi hujumchisi Antuan Grizmann “Jirona”ga (3:0) qarshi Ispaniya Primerasining 2-tur uchrashuvidan so‘ng, klubning asosiy tarkibidan joy olish uchun kurash haqida gapirdi.
"Klubga kelganlar juda yaxshi o‘yin ko‘rsatishdi. Asosiy tarkibga kirish qiyin bo‘ladi. Biz mashg‘ulotlarda, keyin esa o‘yinlarda bor kuchimizni berishimiz kerak", - deya Grizmanning so‘zlarini keltiradi X (sobiq Twitter) ijtimoiy tarmog‘ida Atletico Universe.
"Atletiko" Ispaniya chempionati turnir jadvalida uchinchi o‘rinda bormoqda. Madrid klubi hisobida 4 ochko bor.
