Turinning “Yuventus” klubi Italiya chempionatining dastlabki ikki turida yaxshi o‘yin ko‘rsatdi, Tiago Motta shogirdlari o‘zining dastlabki ikki uchrashuvida bir xil 3:0 hisobida g‘alaba qozonishdi.
Serbiyalik hujumchi Dushan Vlaxovich so‘nggi o‘yinda ikkita gol urdi, ma’lum bo‘lishicha, u faoliyatida o‘n sakkizinchi marta A Seriyada dubl qayd etdi. U so‘nggi besh yil davomida bu ko‘rsatkich bo‘yicha peshqadam, undan keyin Lautaro Martines (17) va Chiro Immobile (16 dubl) turibdi.