6 sentyabr kuni Rossiya Federasiyasining Chelyabinsk shahrida RCC Boxing promouterlik kompaniyasining navbatdagi professional boks oqshomi tashkil etiladi.
Ta’kidlash joiz, oqshom doirasida to‘rt nafar o‘zbekistonlik tajribali bokschilar ringga ko‘tarilishadi. Ularning ikki nafari o‘z vaznlarida IBF Intercontinental kamarlari uchun jang qilishlari ahamiyatlidir.
Ikkinchi eng yengil vaznda IBF Intercontinental kamari uchun kechadigan jang buxorolik Muhammad Shexov (14-0-1) Osiyoning kuchli charm qo‘lqop ustalaridan biri Zong Liu (Xitoy, 19-1-0) bilan to‘qnash keladi. Shexov o‘z janglariga O‘zbekiston va Rossiya bayroqlarida chiqib keladi.
Oqshomning markaziy jangi yengil vazn toifasida rossiyalik Zaur Abdullayev (19-1, 11 KOs) hamda argentinalik Xuan Xavyer Karrasko (20-1, 12 KOs) o‘rtasida bo‘lib o‘tadi. Jang g‘olibi IBF reytingida ikkinchi o‘ringa ko‘tarilib oladi va katta ehtimol bilan keyingi jangini kamar uchun o‘tkazadi.
Hamyurtlarimiz ishtirokidagi janglar:
Ikkinchi eng yengil vaznda IBF Intercontinental kamari uchun: Muhammad Shexov (14-0-1) - Zong Liu (Xitoy, 19-1-0)
Ikkinchi o‘rta vaznda IBF Intercontinental kamari uchun: Ulug‘bek Sobirov (14-3-0) - Pavel Silyagin (Rossiya, 14-0-1)
Birinchi yarim o‘rta vaznda: Jahongir Rasulov (7-0-1) - Ivan Kozlovskiy (Rossiya, 9-0-0)
O‘rta vaznda: Bahromjon Fozilov (10-3-3) - Jambulat Bijamov (Rossiya, 1-0-0).
