"Valensiya"ning 23 yoshli darvozaboni Giorgi Mamardashvilining otasi bo‘lgan David Mamardashvili o‘g‘lining "Liverpul" bilan shartnoma imzolaganidan so‘ng nega shu mavsum oxirigacha Ispaniya klubida ijara asosida qolishga qaror qilganini tushuntirdi.
“O‘g‘lim kundan-kunga o‘sib bormoqda. O‘ylaymanki, bir yildan keyin u "Liverpul"ga o‘tganda boshqa darajadagi darvozabon bo‘ladi. Georgiy hozir yaxshi darvozabon, biroq u keyingi yillarda yanada yaxshilanishi mumkin.
U super darvozabonga aylanishi mumkin. Alison juda kuchli darvozabon, bu haqda hamma biladi. Shu sababdan biz "Valensiya"da bir yil qolishga qaror qildik", - deya David Mamardashvilining so‘zlarini keltiradi Metaratings.
