"Milan"ning chap qanot himoyachisi Teo Ernandes Italiya A seriyasining 3-turidan o‘rin olgan "Lasio"ga (2:2) qarshi o‘yinning ikkinchi bo‘limida o‘zi va "rossonerilar" vingeri Rafael Leauning jamoadoshlariga qo‘shilmagani haqida fikr bildirdi.
Jamoa bosh murabbiyi Paulo Fonseka qolgan futbolchilarga taktik ko‘rsatmalar berdi. Leau va Ernandes o‘yinning qayta boshlanishini kutib, qarama-qarshi qanotda qolishni tanladilar.
"Biz bor-yo‘g‘i ikki daqiqa o‘ynadik, sovishimiz uchun tanaffusga hojat yo‘q edi (70-daqiqada Ernandes va Leau zaxiradan maydonga tushishgandi).
Biz jamoaga g‘alaba qozonishda yordam berishga tayyor edik. Bizning harakatlarimizda jamoa yoki murabbiyga qarshi qaratilgan hech narsa yo‘q edi.
Endi boshqa uchrashuvlarda g‘alaba qozonish uchun birgalikda harakat qilishimiz kerak.
Odamlar juda ko‘p yolg‘on gapirishadi. Rafa va men har doim jamoa bilan birgamiz va ularga yordam berishga tayyormiz.
Bu eng muhimi", — deya Ernandesning so‘zlarini keltirmoqda Football Italia.
