Yarim himoyachi so‘nggi bir necha mavsumda "Old Trafford"da e’tibordan chetda qolgan va bu yozda oddiy o‘yin vaqtini izlab klubni tark etishi kutilgandi. Fabrisio Romanoning so‘zlariga ko‘ra, Eriksen bo‘yicha keyinroq "Betis"dan taklif tushgan, biroq klub ham, futbolchi ham buni tezda rad etishgan.

"Betis" Nabil Fekir Birlashgan Arab Amirliklaridan "Al-Jazira"ga ketganidan so‘ng hujumkor yarim himoyani kuchaytirishga harakat qilmoqda. Eriksenni qo‘lga kirita olmaganiga qaramay, klub "TottenxEm"dan Jovani Lo Chelsoni, shuningdek, "Barselona"dan hujumchi Vitor Rokeni ham qaytarib olishga muvaffaq bo‘ldi.

Eriksen, shuningdek, 2000 yillarning oxiri va 2010 yillarning boshlarida yosh vunderkind sifatida nom qozongan "Ayaks"ga qaytishi mumkinligi bilan bog‘liq. Biroq Niderlandiya klubi 32 yoshli futbolchiga hech qachon aniq taklif bilan chiqmagan. Shu hafta boshida Eriksenning agenti Martin Sxouts yarim himoyachi Turkiya, Yaqin Sharq va AQSH Oliy Ligasi (MLS)dan ham takliflar olgani va Belgiyaning "Anderlext" klubi bilan norasmiy aloqada bo‘lganini ma’lum qilgandi. Sxouts Eriksenning o‘yin vaqti yaqin oylarda ko‘payishiga ishonch bildirdi, chunki "MYU" Yevropa va ichki kubok kampaniyalarini boshlaydi.

Eriksen joriy mavsumda "MYU" safida bor-yo‘g‘i 4 daqiqa o‘ynadi va "Liverpul"dan 0:3 hisobida mag‘lubiyatga uchragan uchrashuvda zaxiradan maydonga tushdi. U shuningdek, "Fulxem"dagi 1:0 hisobidagi g‘alaba va "Brayton"dagi 2:1 hisobidagi mag‘lubiyatda, shuningdek, Angliya Superkubogida "Manchester Siti"ning "MYU" ustidan qozonilgan penaltilar seriyasida g‘alaba qozongan o‘yinda ham zaxira o‘rindig‘ida edi.