Angliya Premyer-ligasi matbuot xizmati avgust oyi natijalariga ko‘ra eng yaxshi murabbiy nomiga nomzodlarni taqdim etdi. Ro‘yxatga to‘rt nafar mutaxassis kiritildi.
Qayd etilishicha, ovoz berishda Pep Gvardiola (“Manchester Siti”), Mikel Arteta (“Arsenal”), Arne Slot (“Liverpul”) va Fabian Xyurseler (“Brayton”) ishtirok etadi.
Uch turdan keyin “Manchester Siti” 9 ochko bilan APL turnir jadvalida peshqadamlik qilmoqda. “Liverpul”da bir xil ochkolar bor, “Brayton” va “Arsenal”da esa ikki ochko kam. 14-15 sentyabr kunlari Angliya chempionatining to‘rtinchi tur o‘yinlari bo‘lib o‘tadi. Turning ochilish o‘yinida "Sautgempton" o‘z maydonida "Manchester Yunayted"ni qabul qiladi.
