Shveysariyaning Syurix shahrida yengil atletika bo‘yicha «Brilliant liga»ning navbatdagi bosqichi bo‘lib o‘tdi. Ma’lum qilganimizdek, unda O‘zbekiston terma jamoasi a’zosi Safina Sadullayeva ishtirok etdi.
Mahoratli sportchimiz musobaqada to‘rtinchi o‘rinni egalladi. Safina 1.80, 1.85 va 1.89 metrli balandliklarni birinchi urinishning o‘zida zabt etdi. Biroq 1.93 metr sportchimizga bo‘ysunmadi.
1 – Yaroslava Maguchix (Ukraina) – 1.96 metr
2 – Nikola Olislagers (Avstraliya) – 1.93
3 – Irina Gerashenko (Ukraina) – 1.93
4 – Safina Sadullayeva (O‘zbekiston) – 1.89
Bugun Xorvatiyada Butunjahon yengil atletika federasiyasining taqvimidan o‘rin olgan «oltin» darajadagi xalqaro musobaqa bo‘lib o‘tadi. Unda hamyurtimiz Anvar Anvarov uzunlikka sakrash dasturida o‘z omadini sinab ko‘radi.
