Belgiya terma jamoasi bosh murabbiyi Domeniko Tedesko Millatlar ligasida Fransiyaga qarshi o‘yin oldidan raqib yetakchisi Kilian Mbappening maydonga tushmasligi mumkinligiga munosabat bildirdi.
Avvalroq Fransiya terma jamoasi bosh murabbiyi Didye Desham belgiyaliklar bilan o‘yinda Mbappega dam berishi mumkinligi haqida xabarlar tarqalgan edi.
"Mbappe zaxira o‘rindig‘ida bo‘lishi muhim emas. U ajoyib o‘yinchi, lekin Fransiyada juda ko‘p imkoniyatlar bor... Agar u o‘ynasa, biz ham xursand bo‘lardik", - dedi Tedesko Foot Mercato bilan suhbatda.
Belgiya - Fransiya uchrashuvi 9 sentyabr kuni, Toshkent vaqti bilan soat 23:45da boshlanadi.
