Бельгия терма жамоаси бош мураббийи Доменико Тедеско Миллатлар лигасида Францияга қарши ўйин олдидан рақиб етакчиси Килиан Мбаппенинг майдонга тушмаслиги мумкинлигига муносабат билдирди.
Аввалроқ Франция терма жамоаси бош мураббийи Дидье Дешам бельгияликлар билан ўйинда Мбаппега дам бериши мумкинлиги ҳақида хабарлар тарқалган эди.
"Мбаппе захира ўриндиғида бўлиши муҳим эмас. У ажойиб ўйинчи, лекин Францияда жуда кўп имкониятлар бор... Агар у ўйнаса, биз ҳам хурсанд бўлардик", - деди Тедеско Foot Mercato билан суҳбатда.
Бельгия - Франция учрашуви 9 сентябрь куни, Тошкент вақти билан соат 23:45да бошланади.
