"Barselona" bosh murabbiyi Xans-Diter Flik yozgi transferlar vaqtida 3 nafar futbolchini olib qolishni ta’kidladi.

Gap hujumchi Ansu Fati va ikki markaziy himoyachi - Inigo Martines va Erik Garsiya haqida ketmoqda. Marca xabariga ko‘ra, "Barselona" o‘tgan yozda uchala futbolchi bilan ham xayrlashishi mumkin edi, biroq germaniyalik mutaxassis kelishuvlarga to‘sqinlik qilgan.

Flik joriy mavsum boshlanishidan oldin “blaugrana”ni qabul qilib olgan edi. U may oyida ishdan bo‘shatilgan Xavi Ernandesning o‘rnini egalladi.