«Roma» hujumchisi Artyom Dovbik 15 sentyabr kuni «Jenoa»ga qarshi A Seriya 4-turi doirasidagi safar o‘yinida jamoaning asosiy tarkibiga kiritilmasligi kutilmoqda, deya xabar beradi "Tuttosport".
Italiya klubi «Yuventus» bilan o‘yinni (0:0) jarohat bilan yakunlagan 27 yoshli ukrainalik futbolchini xavf ostiga qo‘ymaydi.
Hujumchi katta ehtimol bilan «Jenoa»ga qarshi o‘yinni o‘tkazib yuboradi yoki zaxirada o‘ynaydi.
Futbolchining jarohati unchalik jiddiy emas, ammo klub uning maydonga qaytishi uchun vaqt ajratmoqchi, chunki oldinda to‘rt hafta ichida oltita o‘yin bor.
Endi rimliklar safida markaziy hujumda Dovbikning o‘rinbosari bo‘lib turgan hamyurtimiz Eldor Shomurodov o‘z imkoniyatiga ega bo‘ladi.
