«Рома» ҳужумчиси Артём Довбик 15 сентябрь куни «Женоа»га қарши А Серия 4-тури доирасидаги сафар ўйинида жамоанинг асосий таркибига киритилмаслиги кутилмоқда, дея хабар беради "Tuttosport".

Италия клуби «Ювентус» билан ўйинни (0:0) жароҳат билан якунлаган 27 ёшли украиналик футболчини хавф остига қўймайди.

Ҳужумчи катта эҳтимол билан «Женоа»га қарши ўйинни ўтказиб юборади ёки захирада ўйнайди.

Футболчининг жароҳати унчалик жиддий эмас, аммо клуб унинг майдонга қайтиши учун вақт ажратмоқчи, чунки олдинда тўрт ҳафта ичида олтита ўйин бор.

Энди римликлар сафида марказий ҳужумда Довбикнинг ўринбосари бўлиб турган ҳамюртимиз Элдор Шомуродов ўз имкониятига эга бўлади.