Hujumchi Xarri Keyn Angliya futboli tarixini qayta yozishda davom etmoqda. "Bavariya" futbolchisi Angliya terma jamoasidagi 100-uchrashuvida dubl qayd etdi.
Li Karsli shogirdlari Millatlar ligasi uchrashuvida finlyandiyalik raqiblarini mag‘lub etishdi (2:0). Opta xabariga ko‘ra, Keyn "uch sherlar" safida "Uembli"da 35 ta o‘yinda maydonga tushib, 27 ta gol urgan, bu rekord ko‘rsatkich hisoblanadi.
Manba, shuningdek, 31 yoshli forvard Angliya terma jamoasi safida yuz o‘yinda 85 ta gol (68 ta gol va 17 ta golli uzatma)da bevosita ishtirok etganini ta’kidladi.
