Ҳужумчи Харри Кейн Англия футболи тарихини қайта ёзишда давом этмоқда. "Бавария" футболчиси Англия терма жамоасидаги 100-учрашувида дубл қайд этди.
Ли Карсли шогирдлари Миллатлар лигаси учрашувида финляндиялик рақибларини мағлуб этишди (2:0). Opta хабарига кўра, Кейн "уч шерлар" сафида "Уэмбли"да 35 та ўйинда майдонга тушиб, 27 та гол урган, бу рекорд кўрсаткич ҳисобланади.
Манба, шунингдек, 31 ёшли форвард Англия терма жамоаси сафида юз ўйинда 85 та гол (68 та гол ва 17 та голли узатма)да бевосита иштирок этганини таъкидлади.
