Alisha Lemann erkaklar va ayollar futbolidagi maoshlar darajasini solishtirdi.
"Yuventus"ning 25 yoshli hujumchisi La Gazzetta dello Sport nashriga bergan intervyusida o‘zining sevgilisi, shuningdek, Turin klubida to‘p tepadigan braziliyalik Duglas Luis haqida gapirib, ayollar futboliga kam baho berilayotganidan shikoyat qildi.
"Men Duglas bilan mashg‘ulotlardan so‘ng doimo ushbu mavzuda gaplashaman va vaziyat adolatsiz ekanligini aytaman.
Biz erkaklar bilan bir xil ish qilamiz, ular esa mendan yuz ming barobar ko‘p maosh oladi. Ayol sifatida men bu muammoni his qilaman.
Maqsadga erishish uchun uzoq vaqt kerakligiga ishonaman, lekin, albatta, yo‘l to‘g‘ri tanlangan”, — dedi Lemann.
