Алиша Леманн эркаклар ва аёллар футболидаги маошлар даражасини солиштирди.
"Ювентус"нинг 25 ёшли ҳужумчиси La Gazzetta dello Sport нашрига берган интервьюсида ўзининг севгилиси, шунингдек, Турин клубида тўп тепадиган бразилиялик Дуглас Луис ҳақида гапириб, аёллар футболига кам баҳо берилаётганидан шикоят қилди.
"Мен Дуглас билан машғулотлардан сўнг доимо ушбу мавзуда гаплашаман ва вазият адолатсиз эканлигини айтаман.
Биз эркаклар билан бир хил иш қиламиз, улар эса мендан юз минг баробар кўп маош олади. Аёл сифатида мен бу муаммони ҳис қиламан.
Мақсадга эришиш учун узоқ вақт кераклигига ишонаман, лекин, албатта, йўл тўғри танланган”, — деди Леманн.
