Milanning “Inter” klubi bosh murabbiyi Simone Indzagi “Monsa” bilan durangdan (1:1) so‘ng o‘z taassurotlari bilan o‘rtoqlashdi.
"Birinchi 20 daqiqani ajoyib o‘tkazdik – bizda ko‘p imkoniyatlar bo‘ldi va o‘shanda hisob ochilishi kerak edi.
O‘tgan mavsumda ham xuddi shunday ssenariyda gol urishga muvaffaq bo‘ldik.
Dastlabki 20 daqiqadan so‘ng o‘yin sustlashdi va paslar sifati pasaydi.
Balki tez-tez urishimiz kerak edi. "Monsa" chuqur himoyalandi va bizdan samaraliroq harakat qilishimiz talab qilindi.
Raqib ajoyib gol urdi. Xayriyatki, hisobni tenglashtirdik, keyin esa g‘alabani tortib olishimiz mumkin edi.
Natija achinarli, ammo biz oldinga harakat qilishimiz kerak", - deya Indzagining so‘zlarini keltiradi Football Italia.
