Миланнинг “Интер” клуби бош мураббийи Симоне Индзаги “Монца” билан дурангдан (1:1) сўнг ўз таассуротлари билан ўртоқлашди.
"Биринчи 20 дақиқани ажойиб ўтказдик – бизда кўп имкониятлар бўлди ва ўшанда ҳисоб очилиши керак эди.
Ўтган мавсумда ҳам худди шундай сценарийда гол уришга муваффақ бўлдик.
Дастлабки 20 дақиқадан сўнг ўйин сустлашди ва паслар сифати пасайди.
Балки тез-тез уришимиз керак эди. "Монца" чуқур ҳимояланди ва биздан самаралироқ ҳаракат қилишимиз талаб қилинди.
Рақиб ажойиб гол урди. Хайриятки, ҳисобни тенглаштирдик, кейин эса ғалабани тортиб олишимиз мумкин эди.
Натижа ачинарли, аммо биз олдинга ҳаракат қилишимиз керак", - дея Индзагининг сўзларини келтиради Football Italia.
