"Bavariya" yarim himoyachisi Leon Goreska yanvar oyidagi transfer oynasida klubini o‘zgartirishi mumkin.
29 yoshli futbolchi Vensan Kompani qo‘l ostida deyarli o‘yin amaliyotiga ega bo‘lmayapti: murabbiy "Frayburg"ga qarshi o‘yinning so‘nggi daqiqalarida yarim himoyachini almashtirdi, qolgan barcha vaziyatlarda esa u zaxirada qoldi. Insayder Fabrisio Romanoning so‘zlariga ko‘ra, agar yaqin bir necha oy ichida vaziyat o‘zgarmasa, Goreska qishki transfer oynasi ochilgan yanvar oyidayoq ketish haqida o‘ylaydi.
Transfermarkt ma’lumotlariga ko‘ra, Leon Goreskaning "Bavariya" bilan shartnomasi 2026 yilning o‘rtalariga qadar tuzilgan va uning narxi 30 million yevroga teng.
