"Real"ning sobiq sardori Nacho Fernandes ketganidan keyin ham jamoani kuzatib borishda davom etmoqda.
34 yoshli himoyachi o‘tgan mavsum oxirida o‘z faoliyatida ilk bor o‘z klubini tark etib, shartnomani uzaytirmaslikka qaror qilgandi. Ispaniyalik futbolchi Saudiyaning "Al-Qodisiya"siga ko‘chib o‘tdi.
"Real Madrid o‘yinlarini televizorda tomosha qilyapsizmi? Dastlabki o‘yinlarni ko‘rganimda o‘zimni g‘alati his qildim, ammo endi ko‘nikib ketyapman. Birorta o‘yinni o‘tkazib yubormaslikka harakat qilaman", — dedi futbolchi.
Nacho Fernandes "Los Blancos" safida barcha musobaqalarda 364 ta o‘yinda maydonga tushgan. Futbolchi “Al-Qodisiya” safida uchta o‘yin o‘tkazishga muvaffaq bo‘ldi.
