"Manchester Siti" hujumchisi Erling Xoland yakshanba kuni bo‘lib o‘tgan APL 5-turi doirasida "Arsenal"ga qarshi o‘yinda gol urdi.

Norvegiyalik uchun bu gol turli musobaqalarda "shaharliklar" safida kiritgan 100-gol bo‘ldi. Bu ko‘rsatkichga erishish uchun Xolandga 105 o‘yin kerak bo‘ldi.

Squawka xabariga ko‘ra, XXI asrning eng kuchli 5 ta Yevropa chempionatida faqat bitta futbolchi bunchalik tez vaqt ichida 100 ta gol urgandi.

Bu futbolchi Krishtianu Ronaldu - portugaliyalik bir vaqtlar "Real Madrid" safidagi 105-uchrashuvida o‘zining 100-golini urgandi.