Londonning “Chelsi” klubi vingeri Mixailo Mudrik o‘tgan yozda jamoani tark etishi mumkin edi. Insayder Fabrisio Romanoning so‘zlariga ko‘ra, Germaniya Bundesligasining nomi oshkor etilmagan klubi so‘nggi transfer oynasida 23 yoshli futbolchini sotib olishga tayyor bo‘lgan, biroq “Chelsi” rad javobini bergan.
"Ko‘klar" hali ham Mudrikning imkoniyatlariga ishonishadi, ammo yaqin kelajakda uning o‘yinida sezilarli yaxshilanishlarni kutishmoqda. Manbaga ko‘ra, futbolchining joriy mavsumdagi o‘yinlari uning "Chelsi"dagi keyingi taqdirini hal qilishi mumkin.
Mudrik bu mavsumda Enso Mareski jamoasi safida beshta o‘yinda ikkita golga assistentlik qildi.
