Лондоннинг “Челси” клуби вингери Михаило Мудрик ўтган ёзда жамоани тарк этиши мумкин эди. Инсайдер Фабрицио Романонинг сўзларига кўра, Германия Бундеслигасининг номи ошкор этилмаган клуби сўнгги трансфер ойнасида 23 ёшли футболчини сотиб олишга тайёр бўлган, бироқ “Челси” рад жавобини берган.
"Кўклар" ҳали ҳам Мудрикнинг имкониятларига ишонишади, аммо яқин келажакда унинг ўйинида сезиларли яхшиланишларни кутишмоқда. Манбага кўра, футболчининг жорий мавсумдаги ўйинлари унинг "Челси"даги кейинги тақдирини ҳал қилиши мумкин.
Мудрик бу мавсумда Энцо Марески жамоаси сафида бешта ўйинда иккита голга ассистентлик қилди.
