"Arsenal"ning yozgi yangi futbolchisi Raxim Sterling "kanonirlar" safida ilk bor golda ishtirok etdi. U Liga kubogi doirasida "Bolton" bilan o‘yinning birinchi bo‘limi oxirida yosh hujumchi Etan Nvaneri uchun golli uzatmani amalga oshirdi va gol muallifi o‘yin hisobini londonliklar foydasiga ishonchli tarzda 2:0 ga yetkazdi. Sterlingning o‘zi 64-daqiqada jamoasining 4-golini kiritdi. Bahs 5:1 hisobida yakunlandi.
Shunday qilib, Sterlingga "Arsenal"dagi birinchi golini urish uchun uchta o‘yin kerak bo‘ldi. U "Arsenal" safida 15 sentyabr kuni "Tottenxem" bilan Shimoliy London derbisida (1:0) debyut qildi. Keyin esa Chempionlar ligasida mehmonda Bergamoda "Atalanta"ga qarshi o‘ynadi (0:0).
