"Paxtakor" Elit chempionlar ligasi 2-turi doirasida Tehronda "Persepolis" klubiga qarshi maydonga chiqadi. O‘yindan avvalgi matbuot anjumanida paxtakorchilar murabbiyi Kamoliddin Tojiyev ishtirok etdi.

- "Persepolis" Eronning amaldagi chempioni va katta tajribaga ega jamoa hisoblanadi. Yuqori saviyali futbolchilarga ega, yaxshi shakllangan. Raqibni hurmat qilamiz. Bizni juda qiziqarli o‘yin kutmoqda deb o‘ylayman.

O‘runov bizning akademiyadan yetishib chiqqan. Uni yaxshi bilamiz. Ertaga unga qarshi qanday harakat qilishimizni ko‘rib olasiz.

"Persepolis" hujumga juda tez o‘tadi va qanotlarda faol o‘ynaydi. Himoyasida bo‘sh hududlar qoldirishi mumkin. Ularni yaxshi o‘rganib chiqdik.

Sardor Sobirxo‘jayev: - Bu yergacha uzoq yo‘l bosishimizga to‘g‘ri keldi. Jamoada kayfiyat yaxshi, ertaga uyga uch ochko bilan qaytishga urinamiz.