"Bavariya" 38 yoshli darvozabon Manuel Noyerning bo‘lajak vorisi haqida o‘ylamoqda.
Myunxenliklar sardori joriy mavsum oxirida tugaydigan shartnomasini hali uzaytirgani yo‘q. "Bavariya" rahbariyati faxriyning o‘rniga potensial futbolchi qidirmoqda va "Liverpul"dan Alisson Bekker nomzodlardan biri sifatida aniqlandi, deb xabar beradi The Sun. O‘tgan yozda mersisaydliklar Giorgi Mamardashvilini sotib olishdi, shuning uchun ular yaqin kelajakda braziliyalikni sotishga rozi bo‘lishlari mumkin.
Alisson 2 oktyabr kuni 32 yoshga to‘ladi. Darvozabonning amaldagi shartnomasi 2026/27 yilgi mavsum oxirigacha mo‘ljallangan va uning transfer qiymati, Transfermarkt ma’lumotlariga ko‘ra, 28 million yevroni tashkil qiladi.
