"Бавария" 38 ёшли дарвозабон Мануэл Нойернинг бўлажак вориси ҳақида ўйламоқда.
Мюнхенликлар сардори жорий мавсум охирида тугайдиган шартномасини ҳали узайтиргани йўқ. "Бавария" раҳбарияти фахрийнинг ўрнига потенциал футболчи қидирмоқда ва "Ливерпуль"дан Алиссон Беккер номзодлардан бири сифатида аниқланди, деб хабар беради The Sun. Ўтган ёзда мерсисайдликлар Гиорги Мамардашвилини сотиб олишди, шунинг учун улар яқин келажакда бразилияликни сотишга рози бўлишлари мумкин.
Алиссон 2 октябрь куни 32 ёшга тўлади. Дарвозабоннинг амалдаги шартномаси 2026/27 йилги мавсум охиригача мўлжалланган ва унинг трансфер қиймати, Transfermarkt маълумотларига кўра, 28 миллион еврони ташкил қилади.
