"Manchester Siti" hujumchisi Erling Xoland bilan shartnomani uzaytirish borasidagi muzokaralari boshi berk ko‘chaga kirib qoldi. Bu haqda TEAMtalk xabar bermoqda.

Manbaga ko‘ra, tomonlar norvegiyalik futbolchining shartnomasidagi tovon puli borasida kelisha olmayapti. Xoland yangi shartnoma uchun tovon puli 100 million funt bo‘lishini istaydi. "Shaharliklar" rahbariyati bu miqdorni juda kam deb hisoblaydi.

Qayd etilishicha, tomonlar o‘rtasidagi muzokaralar keyingi haftalarda ham davom etadi.

24 yoshli Xolandning "Manchester Siti" bilan shartnomasi 2027 yilning yozida yakuniga etadi.