"Real" markaziy himoyachisi Antonio Ryudiger "Manchester Siti" hujumchisi Erling Xolandning o‘yini haqida fikr bildirdi.

"Men o‘zimni eski maktab himoyachisi deb hisoblayman, menga Xoland kabi yigitlarga qarshi chiqish yoqadi. Bu hujumdagi haqiqiy "yirtqich". Unga nima ovqat berishlarini bilmayman. Bu aqldan ozgan o‘yinchidir", - dedi nemis futbolchisi.

Angliya Premyer-ligasining joriy mavsumida 24 yoshli hujumchi oltita o‘yin o‘tkazib, o‘nta gol urdi. Norvegiyalikning transfer narxi 200 million yevroni tashkil qiladi. Uning shartnomasi 2027 yilgacha mo‘ljallangan.