"Kristal Pelas" bosh murabbiyi Oliver Glasnerning fikricha, uning jamoasi "Liverpul"ga qarshi o‘yinda penalti tepishi kerak edi.

Shanba kuni "Kristal Pelas" o‘z uyida "Liverpul"dan 0:1 hisobida mag‘lub bo‘ldi va Diogo Jotaning dastlabki goliga javob bera olmadi.

"O‘ylaymanki, yakunda biz ko‘proq narsaga loyiq edik. Birinchi bo‘limda biz "Liverpul" qanchalik yaxshi ekanini, to‘pni qanchalik tez harakatlantirayotganini ko‘rdik.

Biz o‘yindan tashqari holatda urilgan gol bilan o‘yinni yaxshi boshladik, keyin muammoga duch keldik va ular oldinga chiqib olishdi. Ular tanaffusda oldinga chiqishga loyiq edi.

Ammo ikkinchi bo‘lim menga mavsumning qolgan qismida ishonch bag‘ishlaydi. Biz vaziyatlar yaratdik va himoyada ham yaxshi o‘ynadik.

Menimcha, bizning foydamizga penalti belgilanishi kerak edi. Mark Gexining ikki qo‘li bilan ushlab turdi, ammo biz bu qarorni qabul qilishimiz kerak.

Biz bu mavsumda eng yaxshi o‘yinimizni ikkinchi bo‘limda o‘tkazdik va bu menga ishonch bag‘ishlaydi" - dedi Glasner.