"Atalanta" bosh murabbiyi Jan Pyero Gasperini shanba kuni Italiya chempionatida "Atalanta" "Jenoa" ustidan qozonilgan g‘alabadan so‘ng (5:1) A Seriyada ochkolari soni 900 taga yetgan to‘rtinchi murabbiy bo‘ldi. Gasperiniga 900 ochkoga erishish uchun 568 ta o‘yin kerak bo‘ldi.
Karlo Anchelotti "Parma", "Yuventus", "Milan" va "Napoli"da ishlagan vaqtida A Seriyada 950 ochko bilan ro‘yxatda uchinchi o‘rinni egallab turibdi. U bu natijaga 488 o‘yinda erishgan.
Italiya terma jamoasi bosh murabbiyi Luchano Spaletti yettita top-klub, jumladan, “Napoli”, “Roma”, “Inter” va “Udineze” bilan 559 uchrashuvda 996 ochko jamg‘argan.
506 o‘yinda 1012 ochko to‘plagan Massimo Allegri g‘alaba uchun uch ochko to‘plagan davrda A Seriyaning eng muvaffaqiyatli murabbiyi hisoblanadi.