Italiyalik sobiq hujumchi Antonio Kassano "Fiorentina" bilan o‘yinda "Milan"da penalti ijrosidagi muammo haqida gapirdi.
Ma’lum bo‘lishicha, jamoa futbolchilari o‘z murabbiyiga bo‘ysunmagan, u esa jamoaga penalti tepuvchi sifatida Kristian Pulishichni tayinlagan, biroq yakunda zarbani mutlaqo boshqa futbolchilar amalga oshirgan.
"Agar men uning o‘rnida bo‘lsam, matbuot anjumanida u Pulishichni penalti tepuvchi qilib tayinlaganini ochiq aytmagan bo‘lardim, lekin ular unga bo‘ysunmadi. Uning o‘zi o‘z obro‘siga putur yetkazadi", - dedi Kassano.