"Real Madrid" bosh murabbiyi Karlo Anchelotti Ispaniya Primyerosining 18-turidan o‘rin olgan "Sevilya"ga qarshi o‘yinni (22 dekabr) juda ko‘p sariq kartochka tufayli o‘tkazib yuboradigan jamoa vingeri Vinisius Juniorga qo‘shimcha dam beradi.
Bu haqda Relevo xabar bermoqda. Manbaga ko‘ra, italiyalik mutaxassis o‘yin kuni Vinisius jamoa bilan birga bo‘lishini talab qilmayapti.
Boz ustiga, Anchelotti braziliyalik futbolchiga kecha, 20 dekabr kuni bo‘lib o‘tgan mashg‘ulotlarni o‘tkazib yuborishga ruxsat berdi.
