"PSJ" o‘tgan yozda Milan Shkrinyar bilan xayrlashishga tayyor edi.
Jamoa bosh murabbiyi Luis Enrike slovakiyalikni o‘z rejalariga kiritmagan, shuning uchun u ketish imkoniyatini ko‘rib chiqdi, ammo baribir yakunda jamoada qoldi.
"Variantlar ko‘p edi. Klub menga o‘tgan mavsumdagidek tez-tez o‘ynamasligimni aytdi. Bu transfer oynasi yopilishidan biroz oldin sodir bo‘ldi, shuning uchun asosan ijara variantlari chiqdi. Lekin men hech qaysi klubga o‘tishga yaqin emasdim. Nihoyat, rahbariyat va murabbiy bilan bo‘lib o‘tgan uchrashuvda biz qolib, asosiy tarkib uchun kurashni davom ettirganim ma’qulroq, degan fikrga keldik", — dedi Shkrinyar.
