"ПСЖ" ўтган ёзда Милан Шкриньяр билан хайрлашишга тайёр эди.
Жамоа бош мураббийи Луис Энрике словакияликни ўз режаларига киритмаган, шунинг учун у кетиш имкониятини кўриб чиқди, аммо барибир якунда жамоада қолди.
"Вариантлар кўп эди. Клуб менга ўтган мавсумдагидек тез-тез ўйнамаслигимни айтди. Бу трансфер ойнаси ёпилишидан бироз олдин содир бўлди, шунинг учун асосан ижара вариантлари чиқди. Лекин мен ҳеч қайси клубга ўтишга яқин эмасдим. Ниҳоят, раҳбарият ва мураббий билан бўлиб ўтган учрашувда биз қолиб, асосий таркиб учун курашни давом эттирганим маъқулроқ, деган фикрга келдик", — деди Шкриньяр.
