"Milan" sardori Davide Kalabriya klubni tark etishi mumkin, uning shartnomasini uzaytirish bo‘yicha muzokaralar to‘xtab qoldi. Bu haqda Italiyaning Tuttosport nashri xabar berdi.
Hozir Kalabriya maydonga tushmayapti, 17 sentyabr kuni u "Liverpul"ga qarshi o‘yinda jarohat oldi, ammo nazariy jihatdan u mashg‘ulotlarga qaytishi kerak edi.
Manbaga ko‘ra, klub rahbariyati unga kelasi yilning iyun oyida tugaydigan shartnomani uzaytirishni taklif qilishga shoshilmayapti. Bu esa mavsum oxirida tomonlar ajralishi mumkinligini anglatadi. "Milan" ayni damda Italiya chempionati turnir jadvalida oltinchi o‘rinni egallab turibdi.